தொழில்

கண் அங்காடியில் ஏலம் விடுகிறேன்


சதை திரட்சியின் பிண்டம்

நிசியின் நீட்சியில் எரிச்சலோடு

அழுகிறதென் மனமும்....
ஆல்ஹகால் பீடித்தவனுக்கு குறி மறைத்து

இடுக்கிய தொடை காட்டல் என் தொழில் ரகசியம்

நகக்கீறல் படாமல் தப்பித்த எதோ ஓர் நாளில்

லட்டியோடு வந்தவன் வாங்கிபோனான்

மார்பில் தூங்கிய என் வியர்வையின் காந்தி காகிதத்தை

"குழந்தையின் மருந்துக்கு பிடித்தாக வேண்டும் இன்னொருவனை "

வருகிறான் வாடிக்கையாளன் எனும் தெய்வம்